Independence Day, Roland Emmerich, 1996

Bilbao Arena kiroldegia, ACXT, 2010

Independence Day, Roland Emmerich, 1996

Bilbao Arena kiroldegia, ACXT, 2010

Kosta egin zait ohetik altxatzea.
Gehiegi kostatzen zaigulako abuztuan oheratzea. Beti berandu, beti beste bat beste bat… espuela publica vasca maite dugulako.
Aurrera doan herria gara, eta egunsentiak maite ditugu. Jaiak eta elkarrizketak, txoznetako altabozak, oinetako bustiak, samatik eskegita daramagun zapia, ozen eta apal entzuten diren ahotsa, belarrira esandakoak…
Herriko jaien ostean, etorri dira kapitalekoak, itzelak, eta astelehena oste eguna.
Baina gaur hasten dira herrian Eleizaldekoak ere… eta, eta…. eutsi egin behar erronkari.

Aste Nagusia handia da gero! nagusiek, jauntxoek nahi baino gehiago gainera. Handi dira konpartsak ere, eta bikain demostratu dute.
Itzel pasatu dugu, egunez eta gauez, goiz eta arratsaldez, hemen eta han.
Biba zuek! Bilboko konpartsetako kideok. Gora Kaskagorri eta Txori Barrote, inoiz baino gehiago ikusi zaituztegulako jaietan.
Marijaia agurtu, eta Akermarirekin lokartuko gara gaur, eta bihar…. barriro osteguna.

Atzo arratsaldean, autobusa hartu eta Bilbora egin genuen, Elorrioko zenbait lagunekin. Atseden tabernan afaldu, su festak ikusi, trago bat jo, eta etxera, Gau txori autobus zerbitzua hartuta. Ondo ibili ginen.

Cajasol dorrea, Sevilla. César Pelli, 2007-2011.


Iberdrola dorrea, Bilbo. César Pelli, 2007-2011.

Bihar Lorena-rekin batera Bilboko Hika Ateneoan egongo naiz 19:30tatik aurrera gai hauei buruz eztabaidatzen. Sare telematikoak eta parte-hartze sozialaren inguruko jardunaldien saio berri bat da. Informazio gehiago.

Aparkatzea debekatuta partida egunetan. Halako zeozer diote San Mames inguruan dauden trafiko seinaleek. Hortik aurrera, ematen du derrigorra dela jakitea noiz den partida eguna eta noiz ez. Santorala bezala: hori jakin behar da, eta kitto.

Ez naiz futbolzalea, ez dakit noiz diren partidak —eta ez dut jakin behar—. Normalean metroa hartzen dut Euskadi Irratiko estudioetara joateko. Gaur ordea, beste kontu batzuk nituen ondoren, eta kotxez joatea erabaki dut. Eta partida eguna zen. Partida garrantzitsua, antza, San Mames inguru guztiak futbolzale engorilatuz gainezka zeuden eta. Total: 11:10ean iritsi naiz Bilbora, eta 11:55ean atera naiz Bilbotik, autoarekin hamaika buelta, bozinazo asko eta garrasi makinatxo baten ondoren ezin aparkatuta ibili ondoren.

Eta kale egin behar izan diet zorte hobea izan duten Benito eta Jozulini. Amaraunako tarantulatxoekin batera jardun dute haiek blogarien solasaldian. Entzun nahi?

PD.: Txinatarrek, beste hainbat kontutan bezala, gu baino askoz ere aurreratuago daude honetan ere. Ikusi, ikusi bestela:

Zabildu

Ikasketak aurrera doaz, denborak ere aurrera egiten du eta honekin iritsi beharreko momentua heldu da; Bilbo uztekotan nabil.

Bilbora Errealak Txapeldunen Liga jolastu zuen garaian etorri nintzen, gogoratzen dut bai Unibertsitatean kale egindako lehen klaseak Greziara joan izatearen kausa; beranduago 3-0 galdu genuen San Mamesen eta beranduago Bigarren Mailara jeitsi zen Erreala. Orain, Lehen Mailara igotzekotan gaude eta nik Bilbo utziko dut; behintzat behar duen lekuan utziko dut.

Polita izan da Bilbon ikastea, pertsona eta lagun asko ezagutu ditut, baita leku bitxiak ere; Kafe Antzokia ederki asko ere ezagutu dut, haiek garaiak Azkunak itxi nahi izan zuenean, orduan konturatu nintzen zenbat maite nuen Kafe Antzokia. Bilbo asko aldatu da, iritsi nintzenean Tranbia egiten ari ziren, Unibertsitatera behintzat ez zen iristen, gogoratzen ditut Ria 2000 eta bertako lanak. Ez zegoen Zubiarterik, hau egiten ari zirela, zenbait okupa bertara igo ziren protesta moduan.

Olabeagako Gaztetxea itxi eta irekierak, FANT Zine Jaialdiko zenbait edizio, Doctor Deseok zenbait disko atera izan ditu Bilbon egon naizen bitartean, Athleticek ere bere gai on eta txarrak izan ditu, gogoan dut ia ia nola Errege Kopa irabazi zuten; a zer nolako eromena Pozasen; azken urtean Europe Leaguen izandako istiluak. San Mamesen bakarrik bitan izan nahiz, bata Erreala ikusten eta bestea Sevillaren aurka, Ligako partidan lasai, ez nuen Errege Kopako finalerdietara joateko aukerarik izan.

Bilbora iristerakoan ez zegoen Fever edo Santana27rik, baina hala ere ez dut asko maite; nahiago ditut Bilbi edo ta San Frantzisko kaleko tabernak, horixe baita Bilboko gaua. Bai, oraindik ez dut Bilbo utzi baina nolabaiteko nostalgia daukat jada, eramusa bukatzen zaion ikasle atzerritar bati amaitzen zaion moduan.

Hala ere oroitzapen onak gordeko ditut, hiri honetan bizi izan ditudanak liburu bat egiteko modukoak baitira, hala ere ez dut agurrik esan nahi, gero arte; besterik ez. Batzuetan garai batzuk bukatzen dira eta beste garai batzuk iristen dira, oraingoan Bilbori gero arte esango diot, baina seguru elkar ikusiko dugula.

Aurreko artikuluan aipatu nituen Jakintza libreari buruzko jardunaldiak ospatu ziren eta nire aldetik, arratsalde horretan burutu genuen dinamikan software librearen inguruan egin ziren hausnarketak zabaldu nahi ditut.

Bertan bildu ginen 30 lagunok erantzun beharreko galdera, besteak beste, hau zen: Zer urrats egin ditzakegu software librearen erabilera eta hedapena sustatzeko?

Hiru taldetan banatu baginen ere, erantzun bat baino gehiago errepikatu egin zen. Ikus dezagun jendeak zeintzu urrats, ekimen eta ideia proposatzen zituen software librea bultzatzeko:

1. Umeek eskolatik software librearekin ikastea. Hori lortzeko modu desberdinak aipatu ziren. Eusko Jaurlaritzaren Eskola 2.0 ekimenaz aritu ginen pizka bat, baina ordenagailuek GNU/Linux sistema eragileaz gain Windows ere badutenez, ikasle eta irakasle ia guztiek ezagutzen dutena aukeratzen dutela azaldu zuten.
2. Gizartearen arlo guztietan (etxean, enpresetan, administrazioan eta abar) formatu irekiak erabiltzea.
3. Gizarteak arlo guztietan software librea (gehiago) erabiltzea. Batzuk bapateko migraketaren alde agertu ziren eta beste batzuk berriz pauso-pausokoa. Edozein kasutan, denok ados ginen software librea bultzatzeko ahalik gehien erabili behar zela eta gu geu ginela erabaki hori hartu behar genuen lehenak.
4. Administrazio publikoa, herritarrak zaindu eta beraien interesak defendatu behar dituenez gero, software librea eta formatu irekiak bultzatu behar ditu, ezbairik gabe, ahalik azkarren eta kontra dauden interesei pribatuei aurka eginez.
5. Software librearen onurak gizarteratu egin behar dira, familiari, lagunei, lankideei… Software librearen inguruan dauden mitoak ere apurtu egin behar dira. Eta berriz ere, zabalketa hau gizartea osoak egin beharreko zerbait da, norbanakoek, administrazioek, sindikatuek, enpresek… gizarte eragile guztiek.
6. Ordenagailu bat erosten dugun bakoitzean, software librearekin eskatu behar dugu; modelo batzuk GNU/Linux-ekin saltzen direlako eta edozein kasutan saltzaileek eskari hori ikus dezaten.
7. Periferikoak egiten dituztenek software librea kontutan izan behar dute.
8. Software librearekin ez daude mota guztietako programak garatuta (jabedun softwarearekin ere ez), eta guztion ardura da gutxi-gutxika behar guztiak asetzeko aukerak lortzea.
9. Software libre dezente euskaratuta dago jada hainbat eta hainbat herritarrei esker, baina itzulpenak sakabanatuak daudenez batzutan arazoak sortzen dira. Egindako lana behar bezala argitaratu behar da.

Open Space delako ekitaldian Maite Goñi eta Gorka Palaziorekin batera egon nintzen eta beraiek ere idatzi dute han gertatutakoari buruz.

Erlaziodun artikuluak:

• Zer egin software librea bultzatzeko?

Bilbon Nonick 2010 izan da. Bi egun nahiko intentso. Ekitaldia ez da tamaina aldetik niri gehien gustatzen zaidan horietakoa, baina momentu batzuetan oso interesgarria izan da. Kafe, bazkari eta afar(r)i orduak batez ere. Hau da niri gehien eta gutxien gustatu zaidana.
Gutxien gustatu zaidana

• Sartu orduko eta baita bigarren egunean ere gerrikoa kendu behar izatea metal detektore arkua pasatzean. Ez da oso esperientzia polita ekitaldi batera iristean.
• Hizkuntzaren erabilera. Hizkuntza nagusia ingelesa izan da, nahiz eta ekitaldira bertaratu diren gehienek zailtasunak izan hizkuntza honetan. Euskararen presentzia ez da anekdotikora ere iritsi. Ekitaldi internazional bat egiteko aitzakiak ere ez du balio, partaideek hizkuntza horretan jarduteko arazoak dituztenean. Europako beste ekitaldietatik bereiziko balira? Zergatik ez jarri mediterraneoa, hego amerika, jomuga moduan? Ideia bat da.
• Zenbait pertsonen jarrera hotza. Business is business, eta badirudi hori erlazio interpertsonal jatorren kontra doala. Kea saldu eta erosteaz bizi diren asko dago.

Gehien gustatu zaidana

• Antolakuntza oso ondo egon da. Wifia momentu batzuetan joan den arren. Oso lan ona egin dute batzuek. Aurkezleak, teknikariak, kamareroak, sarrerakoak… hauek bai langileak.
• Proiektu interesgarri batzuk ezagutu edo sakontzeko aukera. Niri gehien bat Social Media hitza aipatzen ez zutenak gustatu zaizkit. EVE jokua eta Burning Man proiektuak oso oso interesgarriak iruditu zaizkit. Komunitate errealak (birtualak badira ere kasu batzuetan) kudeatzen ikasteko oso interesgarriak. Komunitate erreal bat sortu eta ondoren ia nahigabe beste guztia sortzen dutenak alegia. Burning Man euskaldun bat sortzeko, ideia ero bat ere sortu da bidean, ikusiko dugu. Noski ez da horrela deituko eta ez da berdina izango, baina batzuek ideia buruan dugu jada, ateratzen bada…
• Ekitaldiei dagokionez gehien bat tailerrak gustatu zaizkit. 1001medios-ek antolatutakoa eta Designing the next web oso interesgarriak izan ziren.
• Afaria eta Kafe antzokia. Kriston giroa, kriston bazkaria, kriston musika beti bezala, baina oso egokia. El rey de la farraren Community Manager Manifesto ekimena, oso dibertigarria.
• Baina batez ere bertan ezagutu, aurpegia jarri eta topatzeko aukera izan dudan pertsona guztiak. @euskaljakintza, @iturri, @nuksazi, @sergiomonge, @penguinjournals, @juanlarzabal, @xuriken, @himikel, @sabripatri, @antxon, @inakog, @lontzo, @balentxi, @damoto, @egocast @abediaga, @naiarapzv. Eta ahaztutzen ditudan guztiak.

Ideia asko sortu, elkartrukatu eta mutatu ditugu bertan. Nire burutik aterako direla noizbait, ikusi beharko nola eta noiz, baina makina martxan jarri da.